Is éard atá i gceist le Scoile Cothaithe Sláinte (SCS) ná “scoil ina neartaítear i gcónaí ar a cumas bheith mar shuíomh sláintiúil le maireachtáil, foghlaim agus oibriú inti” (Eagraíocht Dhomhanda Sláinte 1998).
Aithnítear an coincheap SCS go hidirnáisiúnta. Tá Éire mar bhall den Ghréasán ‘Scoileanna Sláinte’ san Eoraip.
I Scoil Cothaithe Sláinte breathnaítear ar Shláinte ina iomláine agus chuige seo tugtar san áireamh na gnéithe fisiciúla, sóisialta, mothúchánach, meabhrach agus spioradálta a bhaineann léi.
Is tionscnamh fadtéarmach a bhaineann le sláinte agus folláine atá i gceist. Tá sé seo dírithe ar phobal uile na scoile – daltaí, foireann agus tuismitheoirí/caomhnóirí- i dtreo is go mbeadh baint acu le cur chuige uile scoile.
