Drámaráma ar siúl i Halla na Scoile, 1 & 2 Márta, 2017

Dé Céadaoin
12:00 i.n.: Seó Drámaráma 1. Léiriú san iarnóin. Is do na bunscoileanna amháin é seo.
7:30 i.n. – Seó Drámaráma 2. Oscailte do chách

Déardaoin
7.30pm: Seó Drámaráma 3. Oscailte do chách

Gradam Press Pass

Tá triúr scoláire idirbhliana ó Phobalscoil Chorca Dhuibhne ar an ngearrliosta don nGradam Press Pass.
Comhghairdeachas leis na daltaí ar fad thíos a mbronnfar gradam orthu ar an 10 Márta ag searmanas san Ionad Comhdhála i mBaile Átha Cliath. Foilseofar na haltanna agus na grianghraif a bhuaigh ar www.presspass.ie tar éis an 10 Márta, 2017.

 
Ciara Ní Bhruic, Pobalscoil Chorca Dhuibhne, An Daingean
Kate Ní Dhubháin, Pobalscoil Chorca Dhuibhne, An Daingean
Tomás Ó hUallacháin, Pobalscoil Chorca Dhuibhne, An Daingean
Aoife Foley, St Mary’s Secondary School, Maigh Chromtha
Caitríona Ní Chonaill, Coláiste Ghobnatan, Baile Mhic Ire
Carley Mannion, Coláiste Iognáid, Gaillimh
Clodagh O’Leary, FCJ Secondary School, Bun Clóidí
Colm Breslin, Pobalscoil na Tríonóide, Eochaill
Emma McGoey, Meánscoil Mhuire, Longfort
Jack Farrell, Causeway Comprehensive School
Mark O’Donnell, St Columbas Comprehensive, Na Gleannta
Natahsa Holmes, Presentation Secondary School, Cluain Dara
Niamh O’Dowd, FCJ Secondary School, Bun Clóidí
Síofra O’Dwyer, Scoil Mhuire, Bun Chranncha
Sorcha Nic an tSionnaigh, Laurel Hill Coláiste FCJ, Luimneach
Thomas Sims, Scoil Dara, Cill Choca

Comórtas Fiontraíochta buaite ag grúpa ón Idirbhliain!

Comhghairdeachas le Ciara Ní Bric, Sadhbh Ní Bhrosnacháin, Doireann Ní Choileáin agus Niamh de Brún atá ag dul ar aghaidh go dtí an chéad bhabhta eile den gcomórtas Fiontraíochta. Chuireadar leabhar le chéile darb ainm ‘Nuair a Bhíos Óg’ ina bhfuil agallaimh le seanóirí ó Chorca Dhuibhne agus iad ag cur síos ar a gcuimhní ón uair a bhíodar óg.

Craobh an chomórtais SIANSA i dTiobraid Árann

Go n-éirí go geal le grúpa Ceoil Uirlise (sinsear) i gCraobh an chomórtais SIANSA i dTiobraid Árann , Dé Sathairn, Feabhra 11, 2017 – Máirtín Ó Cathasaigh, Ciarán Mac Gearailt, Tríona Ní Shúilleabháin, Aibhin Starr Ní Bheaglaoich, Eoghan Mac Gearailt agus Liam Ó Beaglaoich

Fáilte roimh an Aire Stáit Gaeltachta, Seán Kyne

Fearaimid fíor-chaoin fáilte roimh an Aire Stáit Gaeltachta chuig ár scoil inniu. Is mór againn tacaíocht na Roinne Gaeltachta i gcónaí agus sinn ag cur ár gcultúr agus ár dteanga chun cinn.

Oideachas Sóisialta, Idirbhliain 2016

Mar pháirt d’ár dtionscnamh Oideachas Sóisialta, faoi stiúr an Iníon de Brún, bhailíomar bróga ar son na carthanachta ‘Jacket Off Your Back’. Is carthanacht iad seo a bhailíonn éadaí agus bróga do theifigh a bhíonn ag taisteal na hEorpa i rith an gheimhridh.

Chaitheamar dhá mhí á mbailiú mar go raibh cuid mhaith bróga ag teacht isteach chugainn ó dhaltaí na scoile, muintir na háite, bunscoileanna an cheantair agus Play at Height, sa Daingean agus i gCill Áirne. Bhí próiséas fada i gceist, bhí orainn na péirí a cheangailt le chéile agus ansin málaí a líonadh agus na péirí a chomhaireamh. Bhíomar lonnaithe i leabharlann na scoile, le cead ón bpríomhoide, Pádraig Firtéar.

Ar deireadh, tá thart ar míle cúig chéad péire bróg bailithe againn agus tá súil againn go ndéanfaidh sé seo difríocht mhór i saol na dteifeach bochta atá go mór ina ngátar. Tugann sé sólás ó chroí dúinne go bhfeabhsóidh na bróga seo an saol dóibh píosa éigin. Go mairfidh is go gcaithfidh siad iad.

Ba mhaith linn ár mbuíochas a ghabháil le gach éinne a chabhraigh.

An tOireachtas, 2016

Comhghairdeachas le Faolán Dáibhéis a bhuaigh Comórtas Liteartha an Oireachtais agus le Tríona Ní Shúilleabháin agus Máirtín Ó Cathasaigh a bhuaigh an Comórtas Lúibíní ag an Oireachtas i mbliana.

Sparánacht an Bhlascaoid 2016

Comhghairdeachas le Muireann de hÓra agus le Dan Ó Dubháin ó Phobalscoil Chorca Dhuibhne.  Ag ócáid cheiliúrtha an Bhlascaoid i nDún Chaoin ar an Aoine , 23 Meán Fómhair, bronnadh seic €1,000 an duine orthu.

Craobh Uile Éireann sa chaid faoi 16

Comhghairdeas le Niamh, Ali agus le Céití  a bhí ar fhoireann bhuacach cailíní Ciarraí faoi 16. Tá bonn uile Éireann sa chaid ag an dtriúr acu.

Gaisce neamhghnáthach

Gaisce neamhghnáthach déanta in aon chlann amháin sa chaid i mbliana. Bonn uile-Éireann ag an dtriúr acu. Cathal Ó Lúing – Bonn Sóisearach; Seán- Bonn Mhionúr na hÉireann agus Céití – bonn uile-Éireann faoi  16 bliana buaite aici.

Comhghairdeas . Táimid thar a bheith mórálach astu.